Commons:Moin

From Wikimedia Commons, the free media repository
(Redirected from Commons:Moin)
Jump to navigation Jump to search
This page is a translated version of a page Commons:Welcome and the translation is 72% complete. Changes to the translation template, respectively the source language can be submitted through Commons:Welcome and have to be approved by a translation administrator.
Outdated translations are marked like this.

Wat is Wikimedia Commons?

Wikimedia Commons is ene Sammlung vun Mediendatein, de vun Freewillige tosamendragen un pleegt warrt. De Naam „Wikimedia Commons“ kummt vun dat Projekt „Wikimedia“ dat verschillende fre′e Projekten bedrievt un vun dat engelsche Woort „commons“, dat för „dat Gemeensame“ staht, denn de Datein warrt vun all de Wikimediaprojekten un jemehr Utgaven in verschedene Spraken gemeensam bruukt. Dat Projekt is en zentral Lager för Fotos, Diagramms, Animatschonen, Musik, spraken Text, Videos un annere Medien, de för de Wikimediaprojekten to bruken sünd, all ünner fre′e Lizenzen.

Wikimedia Commons bruukt de sülve Wiki-Technik as Wikipedia, mit de jeedeen licht un direkt in′n Nettkieker all de Sieden ännern kann. Anners as Datein, de op de enkelten Projekten hoochladen warrt, köönt Datein, de op Wikimedia Commons hoochladen warrt, ok in de annern Projekten wiest warrn ahn dat se nochmal extra hoochladen warrn mööt.

Sienen Anfang nahmen hett Wikimedia Commons op′n 7. September 2004 un harr op′n 24. Mai 2005 al 100.000 Datein. Nu sünd dat 104.409.071 Datein un $2 Galerien.

Anners as annere Sammlungen vun Mediendatein is Wikimedia Commons free. Jeedeen dröff Datein koperen, annerwegens bruken un de Datein ok verännern, wenn de Bedingen vun de Lizenz inhollen warrt (dat meent mehrsttiets dat Nömen vun de Born un den Autor un dat de vun di ännerten Datein ok de sülve fre′e Lizenz ünnerliggt). De Datenbank vun Wikimedia Commons un de Texten dor in staht ünner de GNU-FDL. De Lizenz staht bi elk Datei bi. Mehr to′t Thema Lizenzen... (hoochdüütsch)

Mitmaken

Du kannst Wikimedia Commons op′t best verbetern, wenn du de Arbeit övernimmst, de du best kannst:

Mit diene Warken bidragen

Wenn du en goden Fotograaf büst, denn laad diene Fotos hooch. Oder help uns mit schöne Diagramms oder Animatschonen. Welke Biller söcht warrt, staht op Bilderwünsche (hoochdüütsch). As en goden Musiker oder Filmkünstler kannst du Opnahmen vun diene Opföhrungen vun fre′e Warken hoochladen.

Mit diene Fähigkeiten bidragen

Du bruukst aver nich unbedingt Datein hoochladen. Dat gifft ok annere wichtige Opgaven:

Mit diene Arbeitstiet bidragen

Ok wenn du bi de Datein nich bigahn wisst, kannst du mithelpen un en beten bi′t Oprümen helpen:

Tour

Anmellen

Wenn du Datein op Wikimedia Commons hoochladen wisst, denn musst du di anmellen. Dat geiht över den Lenk ganz baven rechts (wenn du noch nich anmellt büst, is de wohrschienlich op Engelsch un heet „Log in / create account“). Dor kannst du en Brukernaam ingeven, de denn bi all diene hoochladenen Datein bistaht. Wenn du nix hoochladen wisst un blots Sieden ännern, denn bruukst du di nich unbedingt anmellen (ofschoonst wi dat anraden doot).

So geiht dat

Op Erste Schritte un Häufige Fragen (beid hoochdüütsch) staht, woans dat na dat Anmellen losgeiht. Dor steiht, woans du de Siet op diene Wünsch instellst (to′n Bispeel de Spraak op Plattdüütsch instellen), woans Datein hoochladen warrn köönt un wat dat mit de Lizenzen op sik hett. Sik technisch groot utkennen is nich nödig, dat du op Commons mithelpen kannst. Wees modig bi diene Bidrääg un gah bi annere vun gode Afsichten ut. Dit is en Wiki - dat is würklich ganz licht.

Mehr Informatschoon staht bi dat Brukerportal/nds. Du kannst ok Fragen in dat Forum (hoochdüütsch) stellen.

Datein op Wikimedia Commons sünd in Kategorien un Galerien sorteert. En Översicht över de Kategorien is op de Hööftsiet to finnen.

Put Babel boxes on your user page so others know what languages you can speak and indicate your graphic abilities. All your uploads are stored in your personal gallery. Please sign your name on Talk pages by typing ~~~~. If you're copying files from another project, be sure to use the FileImporter.

Annern Padd to′n Hoochladen

Wenn du aver jümmer noch denkst, dat is di allens to swoor, oder wenn du en groten Hümpel Datein hoochladen wisst, denn kannst du den Service to′n Hoochladen vun Datein (hoochdüütsch) fragen, dat annere dien Datein hoochladen doot. En ganzen Hümpel Datein op Maal kannst du mit dat Programm „Commonist“ hoochladen. En Översicht över Software, mit de du Datein ankieken un ännern kannst, is op Commons:Software to finnen.

Wi hoopt, dat ji Freid an Wikimedia Commons hebbt.

Wikipedia
Enzyklopädie
Meta-Wiki
Projektkoordinatschoon
Wiktionary
Wöörbook
Wikibooks
Lehrböker
Wikisource
Quellensammeln
Wikiquote
Zitatsammeln
Wikinews
Narichten