Middawaida Dischbediere:Manuae

Hallo Manuae

ärschdämol willkumme!

Mär frääuns iwwa än jede, wu midschraiwe duud. Bsunnärschdär nadierlisch, wanna sich su auskenne duud, wie Duu! Duu mär awwa bidde än gruße Gfalle un achd ä bißsche uf unsa Reschle - es is ääfach gnuch: mär känne kää "ei", mär schraiwe när "ai". Wail mär schraiwe, wie mär babble. (Mär saache - un schraiwe - aach ned "scht" sunnan "schd", wie jo im Pälzisch die inna Konsonande faschd imma waisch sin...). Un mär schraiwe in Ardiggle när Pälzisch, ned Daitsch. Duu seesch jo aach ned: "där hoggd in soinäre Hidd in de Obermarktstrasse" sunnan: "där hoggd in soinäre Hidd in de Owwamagdschdrooß".

Däädsch mär bidde dän Gfalle un achdsch ä glää bisje do druff? Donge!

--Skipper Michael- Diskussion 20:32, 4. Dez 2010 (CET)

Alla Skipper Michael, dank schä fer die Begriisung. Hods die Reschle irschendwu ufgschriwwe? Oda wie oriendierd ma sisch do am Beschde wies gschriwwe werd? Awer wie a immer, hab a bissl Nochsischt, Paelsisch babble un schreiwe sin hald doch schun zwee verschiedene Sache. Vor allm, wenn so selden magschd un schundschd alles uff Hochdaitsch oda Englisch oidibscht. --Manuae^{@ ₪} 21:16, 4. Dez. 2010 (CET)

Nõõsischd zhawwe is ned die Frooch ujn aach nedses Probleem - när, wannsch Där nix saa, wärschdes aach nie wisse ... ;) Uffgschriwwe isses ufde Hilfesaide, wusDe wöhl ned geguggd hosch, wailsde Disch jo schun auskänne duusch.

Des Probleem is fär uns all es selwe, s meerschde hilfd, baim Schraiwe longsam voa sisch hie zbabble un grindlisch dorschzlese. Isch schraib selde när om Schdigg un wann isch noom Schbaichern gugg, is de ledsch Absadz aach maisd falsch... --Skipper Michael- Diskussion 21:44, 4. Dez 2010 (CET)

Wa a eja a Bit un net a Frooch... ;) Alla, gugge hald mol, un bei Feeler kanschd jo efach korrigiere oda ma Bscheid gewe. --Manuae^{@ ₪} 00:51, 5. Dez. 2010 (CET)

Isch hons aach als Bit värschdanne un akzebdiad - de Resch waa "Gradissörwis" fär ääna, där wu eh schun guud schraiwe duud un wägglisch kää Õõfängasaide mea zlese braach... --Skipper Michael- Diskussion 05:36, 5. Dez 2010 (CET)

Admin

Hallo Manuae, Du bisch jetz ach Admin :-). Viel Spaß mit denne Knepp! LG, --Holder 10:11, 12. Jän 2011 (CET)

Hi Holder, doang schää fa die Nochrischd; mol gugge was un wie des geed. --Manuae^{@ ₪} 08:51, 13. Jän 2011 (CET)

Willkumme im Klub!

Un än härzlisches "Donge!" fär fär die ruisch un oifielsom Wais, wiesDe mid Õõfängaardiggle umgeesch!

Liewe Gruß, --Skipper Michael- Diskussion 22:00, 18. Jän 2011 (CET)

Doang schää Skipper Michael. --Manuae^{@ ₪} 08:34, 19. Jän 2011 (CET)

Hallo Manuae, mir is doin Beitrag iwwa Lu ufgfalle un isch würd gern was über disch und des pfälzische wikipedia im Wocheblatt bringe. Würd misch frähe von da zuhöre. Gruß Babbla

Manuae iss momendån nedd verfiegbår, en paar Daach muschd du disch wohl noch gedulde. LG, --Ora Unu 14:40, 7. Few 2011 (CET)

Schee, doßde widda doo bisch!

Des (??) hinna moim Wunsch am Schdammdisch waa när, wail isch jo ned gwißd hon, obs aach wägglisch zur Ärholung waa - 12-Std-tgl-Seminar is uU weenscha oognehm un es solld hald ned wie Hohn klinge...

Fär was hoschdn all die Vorlaach impordiad? Isch frooch, wail mär grad ärschd Huddl midde Koordinadevorlaache ghad hän (un de Holder viel Ärwed) un isch mär iwwalehd hon, daßs waahschainds bessa wär, womma a) dän gonze Grämbl meeschlisd ääfach halde kände, voaallem uhne Oibindung vun viel onnan Voarlaache un b) wommas selwad mache kännde.

Lischde wärn mär uf jedn Fall braache. Also aach ä Voalaach, fär die zu ärschdälle. Kenne mär des selwad mache? Wonn ned, kenne mär des, wu De jezad impordiad hosch, fär ä allgmää Lisch nudze / dodefä umbaue?
Braache mär fär die "Ardiggl, wu mär losse konn" ä Lischd? Warum? Longds ned, womma doo än Kat-sys schaffe?

Donn die onnan Frooche: soll des alles blaiwe, also komma losse + lesnswead + Lorbeer bronze + Lorbeer silwa + Lorbeer gold + Flaiß? Donn sollde mär uns ä Laischde midde Auszaischnunge iwwaleeje, quea iwwa de gonze Ardiggl. Odda soll als när es ledschde hie? Was soll / konn mär vaninfdischawaise kombiniere? Was schdelle mär fär Griderie uf?

Viel dodevun misse mär nuch om Schdammdisch dischbudiere, onnaschdäres wie die Vorlaacheärschdällung bedriffd inde Grundziesch alle, inde Aus- un Dorschfierung awwa när die, wos duunm die, diewu dauand dodemid bschäfdichd sin. Jednfalls wärmärs sea Räschd, wonnsde Där do schunemol ä paa Gedonge mache däädsch.

Ach, des häd isch bainahe vagesse: isch hon inzwische Lämpchär huchgelade fär "ufm Bildschärm feschdzschrauwe" - Proweinschdalladzion siehschde uf moinere Disk... ;)

LG, --Skipper Michael- Diskussion 14:59, 9. Few 2011 (CET)

Alla Michael, (isch bin noch ä bissl im Tschedlegg) in dem Joor isch's schun Urlaub gewesd. Aischendlich het's bloos die Vorlaach "Lesenwert" un wasses doan noch dodezu brauchd soi solle. Una de "Meistbenutzte Vorlagen" koamma a se'e, das do ä paar gebrauchd weren, die's noch ga net hot. Äni dodevu hab isch doan a noch impordierd. Uff jede Fall hoschd reschd, des mid'de Vorlaache isch komplex un isch oam beschde wen's ääfach g'halde werd. Awa Vorlaache neme da leschdlisch a viel Erwed ab, ewe des imma Glaiche in alle Ardiggl, hoschd doan äfach imma oan äm Ord un es sied a imma glaich aus. Zum korrigiere, erwaidere oda ergänze isch des doan a oam äfagschde. Vorlaache selwa mache oda umbaue geed nadirlisch, awa äfacha isch es allemol zu neme was schun geed un doan oozupasse. Awa ewe, mid de Vorlaache sin ma noch goans oam Oafang un zahln do so oda so Lehrgeld. Des mid de Vorlaach "Komma losse" isch än Vorschlaach; wie des doan mid de Auszaischnunge waida geed, kän nä ma oam Stoammdisch gugge. Liewe Gruss Manuae^{@ ₪} 16:00, 9. Few 2011 (CET)